Halldis Moren Vesaas
Frå Wikiquote
- Alle sitat av Halldis Moren Vesaas
- Halldis Moren Vesaas på Nynorsk Wikipedia.
Halldis Moren Vesaas (1905-1997) var ein norsk diktar og omsetjar.
[endre] Frå dikt
«Barn, ikkje le av den fuglen
som flaksar så hjelpelaust av stad.
Vinden har skilt han frå dei andre...»
«Du går fram til mi inste grind
og eg går òg fram til di.
Innanfor den er kvar av oss einsam,
og det skal vi alltid bli.»
«Lykkelege hender!
Frå gjerning til gjerning som ligg og ventar
berre på dei
går dei dagen lang.»
«Ingen, ingen hjelper det om alle verdsens kvinner går
ikring med raude auge, ikkje ein.»
[endre] Om diktinga
«Dei dikta som gjennom åra «steg ned» til meg har da òg vore eit slags biprodukt av det å leve.»
«I tider da det berre bobla så pent og passeleg i livsens gryte, vart det ingen dikt, eller i alle fall svært få.»
«Den tida var det enno så få kvinner her i landet som hadde skrive dikt at når ein gjorde det, måtte ein nesten kjenne seg som eit svarberg, som fange inn stumme ord og gav dei lyd.»
[endre] Om Halldis Moren Vesaas
«I dei siste leveåra sine saman kom diktarparet i Vinje til å bli noko av ein norsk kulturinstitusjon» Sigmund Skard
